Дар вилояти Твер рӯйхати касбҳо тасдиқ карда шудааст, ки дар он мувофиқи қарори губернатори вилоят Игор Руденя соли 2021 фаъолияти  муҳоҷирон манъ аст.          Рӯйхати тасдиқшуда якчанд касбро дар бар мегирад, ки барои онҳо ҷалби шаҳрвандони хориҷӣ аз ҷониби субъектҳои хоҷагидорӣ манъ карда шудааст.              Ҳоло муҳоҷирони меҳнатӣ, ки дар асоси патент кор мекунанд, наметавонанд дар як қатор ҷойҳо кор пайдо кунанд.          Ба ин рӯйхат, ки хориҷиён ба он иҷозат дода намешаванд, хоҷагии ҷангал ва коркарди чӯб, ба истиснои касбҳои пастихтисос, истеҳсоли оби ҷав ва нӯшокиҳои спиртӣ ва машрубот, сохтмони иншооти гидротехникӣ, маҳсулоти резинӣ ва пластикӣ дохил карда шудаанд.          Ғайр аз он, манъкунӣ ба нақлиёти мусофирбар ва боркашонӣ низ дахл дорад.          Аз соли 2021 ба муҳоҷирон тиҷорати яклухт ва чакана, аз ҷумла тиҷорат тавассути агентҳо манъ карда шудааст.          Дар ин ҷо манъкунӣ ба фурӯши ҳама намуди маҳсулот дахл дорад, ба истиснои фурӯши мошинҳо ва мотосиклҳо.          Хориҷиён инчунин наметавонанд миёнарави молиявӣ шаванд ва дар соҳаи маориф ва тандурустӣ ба ягон намуди фаъолият машғул шаванд.                 Ҳамзамон, мушаххас шудааст, ки мамнӯъиятҳои нав ба шаҳрвандони Қирғизистон, Беларус ва Арманистон таъсир намерасонанд.

           Путин ният дорад, масъалаи амнияти муҳоҷирони меҳнатиро бо роҳбарони кишварҳои таъминкунандаи Русия бо нерӯи корӣ баррасӣ намояд.          Ин нуктаро раисиҷумҳури Русия зимни ҷаласаи Шӯрави давлатӣ ва Шӯро оид ба рушди стратегию лоиҳаҳои миллӣ таъкид намуд.          “Баррасии ин масъала зарур аст ва ман инро бо ҳамкорон аз кишварҳое, ки аз он ҷо ба Русия муҳоҷирони меҳнатӣ меоянд, баррасӣ хоҳам кард”, - гуфт Владимир Путин.          Ба гуфтаи ӯ аллакай дар марҳалаҳои аввал бояд бехатарӣ таъмин карда шавад, ҳам барои муҳоҷирони меҳнатие, ки дар сохтмон машғули коранд ва ҳам барои русиягиҳое, ки дар ин иншоот фаъолият доранд.          Путин гуфтааст, бояд имкон дод, ки ҳам муҳоҷирон маблағ кор кунанду ҳам соҳаи сохтмон рушд ёбад.          Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намудаст, ки ин мавзуъро бо ноиби сарвазир Марат Хуснуллин баррасӣ карда буд. Бояд дид албатта, суроғавӣ, тавзеҳ дод Путин.          Қаблан аз пешниҳоди Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ хабар дода шуда буд. Зикр гардида буд, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.           

          Ҳамасола дар Тоҷикистон Рӯзи байналмилалии муҳоҷир бо тантана ҷашн гирифта мешавад.          Бояд гуфт, ки оғоз аз моҳи ноябр бахшида ба ин ҷашн дар аксари шаҳру ноҳияҳо аз ҷониби Раёсатҳои Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилоятҳои Суғду Хатлон ва ВМКБ, инчунин дастгоҳи марказии Хадамоти муҳоҷират дар ҳамкорӣ бо дигар мақомоту ташкилотҳои байналмилалӣ чорабиниҳои гуногун дар самти ташвиқоту тарғибот доир карда мешаванд.          Қобили зикр аст, ки аз соли 2000 то ин ҷониб бо ташаббуси Ассамблеяи генералии СММ, ки  18 декабр ҳамчун Рӯзи байналмилалии муҳоҷир ҷашн гирифта мешавад. Дар ин рӯз соли 1990 Ассамблеяи генералии СММ Конвенсияи байналмилалиро оид ба ҳифзи ҳуқуқи муҳоҷирони меҳнатӣ ва оилаҳои онҳо қабул намуд.           Муҳоҷират ва зуҳуроти муҳоҷирӣ ҳанӯз аз давраҳои қадим ба вуҷуд омада, дар асрҳои миёна одамон бинобар касалии вабо ва қашшоқӣ аз як ҷой ба ҷои дигар муҳоҷират мекарданд. Аз ҳамон давра одамон кӯшиш мекарданд, ки барои беҳтар намудани шароити зисти худ заминҳои киштбоб, инчунин наздик ба об ва ҷои шикорро дарёфт намоянд. Маҳз бо шарофати муҳоҷирати мардум кашфиёти географӣ ва шаҳру деҳаҳои нав ба вуҷуд омаданд. Имрӯз муҳоҷират як раванди муҳим гаштаасту қариб ҳамаи мамлакатҳои ҷаҳон муҳоҷиронро қабул мекунанд ё баръакс, интиқол медиҳанд. Ҳар давлат дар ҳар давру замон ҳодисаи муҳоҷиратро ба таври гуногун гузаронидааст.           Маълум аст, ки муҳоҷирати меҳнатӣ ин як роҳи ворид намудани маблағ ба буҷаи оила буда, аз ҳисоби кор дар хориҷа муҳоҷир маблағ ба даст меоварад ва вазъи оилавии худро беҳтар мекунад, хона, мошин ва бевосита кулли лавозимоти моддии оиларо таъмин менамояд, инчунин фарзандонашро мехононаду маросими тӯйи онҳоро ба ҷо меорад. Зикр намудан бамаврид аст, ки бо роҳи муҳоҷират ҷараёни ҷаҳонишавии давлат низ суръат мегирад. Аз ҳисоботи Созмони Миллали Муттаҳид бармеояд, ки муҳоҷирати меҳнатӣ барои таъмину тақсимшавии мутаносибан баробари қувваи корӣ дар тамоми ҷаҳон кумак намуда, аз ҳисоби мубодилаи малака ва касбу кор барои пешбурди ҷараёни рушди истеҳсолоти инноватсионӣ мусоидат мекунад. Яъне, муҳоҷирон ба давлатҳои пешрафтаву мутараққӣ ба кор рафта, дар ҷараёни кор технологияҳои навро аз худ мекунанд.          Бояд гуфт, ки дар замони кунунӣ муҳоҷирати меҳнатӣ ба мушкилоти куллии ҷаҳони мутараққӣ мубаддал шудааст.  Шумораи муҳоҷирони меҳнатӣ дар панҷоҳ соли охир аз 60 то ба 215 миллион нафар афзуда, дар асоси пешбиниҳои СММ то соли 2050 шумораи муҳоҷирони меҳнатӣ дар ҷаҳон ба 405 миллион нафар хоҳад расид.           Таҳлилгарони созмонҳои байналмилалии меҳнат ва муҳоҷират таъкид кардаанд, ки истифодаи самараноки муҳоҷирати меҳнатӣ ҳам ба кишвари қабулкунанда ва ҳам ба давлати интиқолдиҳандаи он манфиати калони иқтисодӣ меорад. Бинобар ин мо муҳоҷирати меҳнатиро чун як падидаи маъмули замона бояд дарк ва қабул намоем.           Бояд қайд намуд, ки муҳоҷирати имрӯзаро асосан ба оғози солҳои 90-уми қарни ХХ рабт додан дуруст аст, зеро мавҷи муҳоҷирати меҳнатии тоҷик маҳз ҳамин солҳо оғоз гардида, тадриҷан доман паҳн кард, ки  сабабҳои он дар аввал, нобасомонӣ, иқтисоди касод ва аз кор баромадани корхонаҳои саноативу маишӣ, яъне паст гаштани сатҳи зиндагӣ буданд.           Зикр кардан ба маврид аст, ки муҳоҷират ба Россия ва Қазоқистон бо назардошти манфиати бештар доштан ба раванди болоравии сатҳи зиндагии мардум ва иқтисоди миллӣ, пас аз ором шудани вазъ дар Тоҷикистон ва тадриҷан фаъол шудану бунёд гардидани корхонаҳои хурду калон ва бад ин васила рушд ёфтани иқтисоди миллӣ, сол то сол бештар гардида, ба анъана табдил ёфт.          Мо, ки ҳама дар як давраи бузург зиндагонӣ мекардем, то ҳол дар шуури мардум аз он замон таассурот боқӣ мондааст ва Федератсияи Россия низ яке аз муҳимтарин шарикони стратегии Ҷумҳурии Тоҷикистон ба шумор меравад. Таҳлилҳо нишон медиҳанд, ки бо зиёд шудани муҳоҷирати меҳнатӣ раванди болоравии сатҳи зиндагии аҳолӣ ба таври назаррас густариш ёфта, ҳатто симои шаҳру деҳот бо бунёди корхонаву марказҳои хизматрасонӣ ва манзилҳои бо тарзи муосир сохташуда таъсири мусбат мерасонад.                                                                                         Анвар ЮСУПОВ                                                                                     

         Вазорати сохтмон барои содда кардани вуруди муҳоҷирон дар сохтмонҳо, ба ҳукумат пешниҳод омода кардааст.          "Вазорати сохтмони Русия масъалаи содда гардонидани вурудро барои муҳоҷирон барои кор дар якчанд объектҳои сохтмонии манотиқи Русия, баррасӣ дорад", - омадааст дар хабарнома.          Дар баробари ин гуфта мешавад, ки вуруди муҳоҷирон танҳо барои ширкатҳое иҷоза дода мешавад, ки қоидаҳои беҳдоштиро риоя менамоянд.          Интизор меравад, ки Вазорат шумораи муайяни муҳоҷиронро барои анҷоми кор дар муҳлат муайян мекунад.          Ин пешниҳод ҳамчунин ба Роспотребнадзор ва ФМС низ равон карда шудааст.          Муҳоҷирон дар навбати худ вазифадор мешаванд, ки зимни вуруд ба кишвар бо худ ташхиси манфӣ аз коронавирусро, ки на пештар аз се рӯз санҷиш шудааст, дошта бошанд.          Пештар хабар дода шуд, ки норасоии муҳоҷиронро дар сохтмонҳо мешавад аз ҳисоби занони маҳаллӣ ҷуброн кард.          Аз авоили соли 2021 қарори Вазорати сохтмон оид ба бештар намудани рӯйхати касбҳои ҷоиз барои занон, ба амал хоҳад даромад.        

Ширкати «Сомон Эйр» ба нақша гирифтааст, ки дар моҳи декабри соли 2020  146 парвоз аз ФР ба Тоҷикистон анҷом диҳад. Ин парвозҳо аз Москва, Санкт-Петербург, Новосибирск, Екатеринбург, Казан, Красноярск, Краснодар, Сургут ва Иркутск сурат мегиранд. Билетҳои ҳавопайморо метавон аз ин нуқтаҳо дастрас намуд.: ш. Москва - аэропорти "Домодедово", кассаҳои №88 и №40, тел: 89295994541; ш. Санкт-Петербург - Аэропорти «Пулково», тел: 89775205886; ш. Санкт-Петербург - "Московский проспект", Литер А, хонаи 7, бинои 40Н, тел: 89775205886; ш. Новосибирск - аэропорти Новосибирск, тел: 89161133599, 89035120420; ш. Екатеринбург - к. Техническая, х. 35, тел: 89175681253; ш. Красноярск -  аэропорти Красноярск, тел: 89161133599, 89035120420; ш. Иркутск - г. Ангарск, 11 мкр, х. 19, офис №4, тел: 89161133599, 89035120420; ш. Казань – к. Рихарда Зорге 66, корпус 1, тел: 89035120420; ш. Сургут - к. Григория Кукуевитского 15/1, тел: 89035120420; ш. Краснодар – к. Монтажников, х 1, тел: 89175681253. Барои гирифтани маълумоти иловагӣ ба ин рақамҳо тамос бигиред: +992 (37) 222 22 36, +992 (37) 222 22 39, +992 (37) 222 22 43, info.caa@yandex.tj Авиакомпания «Сомон Эйр»: +992 (93) 777 74 59, +992 (44) 640 40 49, +992 (44) 640 40 50, +992 (44) 640 40 48, call-center@somonair.com claims@somonair.com